Ақмола облысының полиция қызметкерлеріне 10 қызметтік көліктің кілті табысталды
11 Қазан, 2013 12:44
Кеше, 10 қазан күні Ақмола облысының ішкі істер департаменті жаңа көліктермен толықты, деп облыс әкімдігінің баспасөз қызметі хабарлады.
«Облыс әкімінің бірінші орынбасары Рашит Акимов жаңа автокөлік кілтерін Степногорск, Атбасар, Бурабай аудандарынң ішкі істер басқармасы, 5510 әскери бөлімшесі мен әкімшілік полиция басқармасына табыстады», - деп хабарламада нақтыланған.
Сонымен қатар, Ішкі істер министрі Қалмұхамбет Қасымовтың атынан алғыс хаттары мен мақтау қағаздары ішкі істер ардагерлеріне табысталды.
