«Отар» 40-шы әскери базасы үздік әскери қызметшіні таңдайды

«Біздің Ұлы Жеңістегі жетістігіміз!» ұранымен өтетін шараға Ұлы Отан соғысының ардагерлері, тыл еңбеккерлері, интернационалист жауынгерлер, мектеп оқушылары шақырылды. «Отар» 40-шы әскери  базасының үздік жауынгері» атағы жауынгерлік даярлығы мықты, әскери тәртібі жоғары, сондай-ақ сынақ жаттығуларын сәтті тапсырған офицерлерге, келісімшарт бойынша сержанттарға, қатардағы жауынгерлерге беріледі.

 Жарыс бағдарламасына 10 шақырымдық шеру, кедергі жолақтарын меңгеру, жерасты үңгі жолдары мен бұзылған көпірден өту, 5 метрлік қабырғаға шығу, тас қабырғадан, батпақтан, қолдың көмегімен биік баспалдақтан өту, қол күрес сайысы, сондай-ақ атыстан 4 тексеру жаттығуын орындау кіреді.

Барлық кедергілерді қатесіз қысқа мерзім ішінде игеріп, атыстан 4 бақылау жаттығуын орындау кезінде кемінде 50 балл жинаған әскери қызметші жеңімпаз болып танылады. Алда әскери бөлімдерде кандидаттарды іріктеу міндетті медициналық тексеруден кейін жауынгерлік даярлықтың қорытындысы бойынша ай сайын өткізілетінін атап өткен жөн.

Сонымен бірге барлық үміткерлер мандаттық комиссиядан өтеді. Осы орайда сынақ жаттығуларын сәтті орындап шыққан әскери қызметшілерге «Отар» 40-шы әскери  базасының үздік жауынгері» құрметті атағы беріліп, базаның жеке құрамы алдында салтанатты түрде төс белгілері мен ерекше белгісі бар берет табыс етіледі.