Финляндия Президенті Саули Ниинистё Н.Назарбаевты сайлаудағы жеңісімен құттықтады
30 Сәуір, 2015 08:51
Нұрсұлтан Назарбаевтың атына оның Қазақстан Республикасы Президенті болып сайлануына байланысты Финляндия Президенті Саули Ниинистёден құттықтау жеделхаты келіп түсті, деп хабарлады Ақорданың баспасөз қызметі.
Саули Ниинистё Нұрсұлтан Назарбаевты президент сайлауындағы айқын жеңісімен құттықтады.
«Сізді Қазақстан Республикасы Президенті қызметіне сайлануыңызбен риясыз көңілден құттықтауға маған рұқсат етіңіз. Соншалық жоғары әрі жауапты қызметіңіздің одан әрі табысты болуына тілектестігімді қабыл алыңыз», – делінген жеделхатта.
