Қостанай облысы меценаттарының клубы аудандық ауруханаға жылжымалы медициналық кешен сыйлады
11 Қазан, 2013 10:43
Кеше, 10 қазанда Қостанай облысының меценаттары клубы Жітіқара ауданының аудандық ауруханаға 53 теңгелік жылжымалы медициналық кешен сыйлады, деп хабарлайды облыс әкімдігінің баспасөз қызметі.
«53 млн теңгелік жылжымалы медициналық кешенді Жітіқара ауданының аудандық ауруханасы дәрігерлеріне меценаттар Клубы мүшелері сыйлады. Аудандық бас дәрігерге жылжымалы аурухананың кілтін депутат, Қостанай облысына келген Парламент Мәжілісі әлеуметтік-мәдени даму Комитетінің төрайымы Дариға Назарбаева табыстады», -делінген хабарламада.
Кеңейтілген функциялық мүмкіндіктерге ие жылжымалы медицина кешенінің көмегімен шалғайдағы аудан тұрғындары тегін білікті медициналық қызметтерді қолдана алады. Сонымен қатар,заманауи қондырғылар арқылы диагностикалық қаралуға қол жеткізеді.
