Қызылордада Нұрсұлтан Назарбаевты ұлықтау рәсіміне арналған флешмоб өтті
29 Сәуір, 2015 14:34
Қызылордада студенттер мен Қазақстан халқы Ассамблеясының жастар қанатының өкілдері әлем халықтарының билерін биледі.
Жүздеген жасөспірімдер мен бойжеткендер қазақ, өзбек, түркмен, орыс ұлттарының билерін шебер әрі қанаттандыра орындады. Қазақстандықтардың сүйкті биі «Қаражорға» да ұмыт қалған жоқ. Бұл биді шара өтіп жатқан аймақтағы тұрғындар мен көрермендер де қосылып биледі.
Міне, біз Президентіміздің сайлаудағы жеңісі мен оның бүгінгі ұлықтау рәсімін осылай атап өтудеміз. Біз үшін халықты жарқын болашаққа өзге емес, Елбасының жетелуі маңызды. Өйткені, елде ондаған этностар бейбітшілік пен келісімде өмір сүріп жатыр. Бұл теңдессіз жетістік»,-деді ҚХА жастар қанатының жетекшісі Валерий Пак.
