БҚО-да гендерлік теңдік бойынша жобаны жүзеге асыруға 9 млн теңгеден астам қаржы бөлінді
28 Сәуір, 2015 18:54
2015 жылы БҚО-да гендерлік теңдік бойынша жобаны жүзеге асыруға 9,2 млн теңге қаржы бөлінді. Бұл туралы облыс әкімдігі жанындағы Әйел істері және отбасылық-демографиялық саясат облыстық комиссиясының кеңейтілген отырысында белгілі болды.
Аймақтың ішкі саясат басқармасынан хабарлағандай, келелі кеңесте 2014 жылы мемлекеттік тапсырыс аясында 6 ірі жобаны жүзеге асыруға 3,7 млн теңге бөлінді.
«2015 жылы гендерлік теңдік стратегиясы аясында жобаны жүзеге асыруға қаржы көлемі 2,5 есе арттырылып, 9,2 млн теңгені құрады. «Мерейлі отбасы» республикалық байқауының облыстық кезеңін өткізу сынды жобалар қарастырылған», - делінген хабарламада.
