• Басты
  • Н.Назарбаевтың атына сайлауда жеңіске жеткеніне орай жеделхаттар келіп түсті
27 Сәуір, 2015 18:47

Н.Назарбаевтың атына сайлауда жеңіске жеткеніне орай жеделхаттар келіп түсті

Мемлекет басшысы атына оның Қазақстан Республикасы Президенті болып сайлануына байланысты Тәжікстан Республикасының Президенті Эмомали Рахмоннан құттықтау жеделхаты келіп түсті, деп хабарлады Ақорданың баспасөз қызметі.
Н.Назарбаевтың атына сайлауда жеңіске жеткеніне орай жеделхаттар келіп түсті

Эмомали Рахмон Нұрсұлтан Назарбаевты президенттік сайлаудағы жеңісімен шын жүректен құттықтайтынын жеткізген.

«Өзінің ерік-қалауы арқылы Қазақстан халқы елді өркендетуге, оның халықаралық аренадағы беделін үздіксіз арттыруға және халқының бақуаттылығына бағытталған Сіздің жасампаз саясатыңызды кеңінен және шүбәсіз түрде қолдайтынын бүкіл әлемге паш етті. Бұл жолда жеткен жетістіктер Сіздің есіміңізбен тікелей байланысты», – делінген жеделхатта.  

Тәжікстан Президенті сондай-ақ өзара тиімді екіжақты қарым-қатынастың дамуын атап өткен.

«Сіз алда да елдеріміз бен халықтарымыз арасындағы өзара ықпалдастықтың аясы кеңейе, тереңдей түсуіне септігіңізді тигізе беретініңізге сенімдімін. Өз тарапымыздан біз екі мемлекет арасындағы достық қарым-қатынастың нығаюы үшін қажетті нәрсенің барлығын жасайтын боламыз», – делінген жеделхатта.

Соңында Эмомали Рахмон Мемлекет басшысына мықты денсаулық, ұзақ өмір, Қазақстанның дамуы жолында тың табыстар мен жаңа жетістіктер тіледі. 

Мемлекет басшысы атына оның Қазақстан Республикасы Президенті болып сайлануына байланысты Өзбекстан Республикасының Президенті Ислам Кәрімовтен құттықтау жеделхаты келіп түсті.

Ислам Кәрімов Нұрсұлтан Назарбаевты президенттік сайлаудағы жеңісімен құттықтады.

«Өткен сайлаудағы Сіздің айқын жеңісіңіз халықтың жоғары сенімінің және өзіңіздің көреген басшылығыңызбен жүргізілген, Қазақстан халқының бақуаттылығына, сондай-ақ елдің халықаралық аренадағы рөлі мен беделін арттыруға бағытталған қоғамдық-саяси, әлеуметтік-экономикалық терең реформаларды қолдауының айшықты айғағы болды», – делінген жеделхатта.   

Өзбекстан Президенті сан ғасырлық дәстүрлі достыққа, тату көршілестікке және өзара құрметке  негізделген жан-жақты даму мен екіжақты қарым-қатынастың нығаюы бұдан әрі де екі ел халқының мүддесіне, өңірдегі бейбітшілік пен тұрақтылықтың сақталуына қызмет ете беретініне сенім білдірген.

«Осы мүмкіндікті пайдалана отырып, Сізге мықты денсаулық, сарқылмас күш-жігер және мемлекеттік қызметіңізге жаңа табыс, ал бауырлас Қазақстан халқына игілік пен бақ-береке тілеймін», – делінген құттықтауда.

Ислам Кәрімов сондай-ақ Нұрсұлтан Назарбаевты Қазақстан Республикасы Президентінің сайлауындағы жеңісімен кейінірек телефон арқылы сөйлесу кезінде де құттықтады.

Бұдан бөлек, Мемлекеттер басшылары екіжақты ынтымақтастықтың өзекті мәселелерін және Өзбекстан Президентінің елімізге 2014 жылғы қарашада келген ресми сапары кезінде қол жеткізілген уағдаластықтардың орындалу барысын талқылады.

Телефон арқылы сөйлесуге өзбек тарапы бастамашы болды. 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды