• Басты
  • Талдықорғанда жеңімпаздар форумы өтті (Фото)
27 Сәуір, 2015 19:13

Талдықорғанда жеңімпаздар форумы өтті (Фото)

Талдықорғандағы орталық алаңда «Елбасымен бірге - жаңа жеңістерге!» атты жеңімпаздар форумы өтті. Форумға 7 мыңға жуық адам қатысты, деп хабарлады облыстың баспасөз қызметі.
Талдықорғанда жеңімпаздар форумы өтті (Фото)

Форумның шымылдығын құттықтау сөзімен ашқан Елбасы Нұрсұлтан Әбішұлы Назарбаев Астана қаласындағы «Сарыақра» велотрегінен тікелей желі арқылы халыққа ізгі тілегін жеткізіп, алдағы үлкен міндеттерді бірге атқаратынына сенім білдірді. «Жасалып жатқан игі істердің барлығы да ел үшін, болашақ үшін, жастар үшін. Сондықтан біз Мәңгілік ел құру жолында барлық мүмкіндікті жасайтын боламыз», - деді.

Мұнан соң да құттықтау сөз сөйлеген Алматы облысының әкімі Амандық Баталов:«Елімізде кеше ғана үлкен саяси науқан - Президент сайлауы өтті. Сайлауда келешегі кемел елдің тағдыры, ұлттың болашағы шешілді. Халқымыз өзінің таңдауын жасады. Алматы облысы Тұңғыш Президентіміз Нұрсұлтан Әбішұлын бірауыздан қолдап, үлкен белсенділікпен дауыс берді. «Басшысы кемеңгер елдің бағы жанады» деген. Біздің алдымызда зор міндеттер тұр. Оның ең бастысы - Қазақстанды әлемнің дамыған 30 елі қатарына қосу. Бұл асуды біз Президентімізбен бірге алатынымызға сенімдімін», - деді.

Форум барысында сөз сөйлеген саяси, қоғамдық және жастар ұйымдарының, этномәдени бірлестіктердің, саяси партиялардың өкілдері көпшілікті ортақ жеңістерімен құттықтады.

Еңбек ардагері Диан Нұрғалиева облыстағы 190 мыңнан астам ардагердің атынан сайлауға бір кісідей қатысып, Елбасымызды қолдаған жетісулықтарға ризашылығын білдіріп:

«Біздің жолымыз Президентіміздің нұрлы жолымен бірге. Бұл - біздің жеңісіміз, елдің жеңісі», - деді.

Еңбек ардагері Валерий Сапожников өзінің Қазақстандай тұрақтылық пен келісім салтанат құрған елде, Нұрсұлтан Назарбаевтай көреген басшысы бар елде тұратынын мақтан ететінін айтты. «Біздің әулетіміздің үшінші буыны осы елде өсіп-өніп отыр. Өзім осы өлкеде ғылыммен айналысып, кандидаттық, докторлық қорғадым, балаларым осы жерде оқыды, азамат болды. Қазақстан жасай берсін!», - деген тілегін жеткізді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды