Көкшетау жастары сайлаудың өтуін түнгі мерекелік кешпен атап өтті
27 Сәуір, 2015 03:16
Көкшетауда жастар ҚР Президенті сайлауының аяқталуына байланысты талантты жастардың қатысуымен би мен салтанатты кеш өткізді.
Сайлау нәтижелері - Н.Назарбаевтың 97,5% дауыс жинағаны жарияланған соң халық алдында Ақмола облысы Көкшетау қаласының Құрметті азаматы, медицина ардагері Болат Жанәділов сөз сөйледі.
«Бүгінгі Нұрсұлтан Назарбаевтың сенімді жеңісі бізге жарқын болашаққа деген үлкен үміт сыйлайды. Елімізде баяғыша бейбітшілік, тұрақтылық пен достық жалғасады. Балаларымыз лайықты білім алады. Біз қазақстандық халықтың алдында үлкен асулар тұрғанына сенімдіміз. Осы ретте біз өз үлесімізді қосуымызды ұмытпауымыз керек», - деді Болат Жанәділов.
