Бүгін «Нұр Отан» париясы Доктринасының соңғы нұсқасын растау жоспарлануда

 «Менің ойымша, біз бүгінге дейін бұл құжатты жүйелі жетілдірдік. Өткен аптада біз жұмыс тәртібімен аталмыш доктрина жөніндегі жұмыс тобының отырысын өткіздік. Бүгін біз партиялық конференция қорытындысы бойынша, БАҚ пен партиялықтар арасында, ғаламторда 2 ай бойы талқылауға түскен ұсыныстарды қараймыз. Көптеген ұсыныстар болды, біз оларды топтастырып, аталмыш доктринаның жобасында қарастырдық», - деді Б.Байбек.

 Оның айтуынша, доктрина мәтіні бүгін ақырғы рет қаралмақ.

«Сосын ол жұмыс тәртібімен Съез қарсаңында құрылған біздің редакциялық топтың қарауына тапсырылады. Бүгін біз ақырғы рет қарап, редакциялық топтың қарауына тапсырамыз. Біздің кездесуіміздің қорытындысы бойынша, біз зиялы қауым өкілдерімен бірге доктрина жобасының қазақ тіліндегі негізгі мәтінін талқыладық», - деді Б.Байбек.

Бауыржан Байбектің айтуынша, доктринаның негізгі мәтіні қазақ тілінде өте ұғынықты және доктринаның негізгі мазмұнын ашатындай болмақ.

Отырыс барысында доктрина бойынша келіп түскен барлық ұсыныстар бес бағыт бойынша топтастырылды: жастар жұмыс жасауды дамыту, мемлекеттік тілді дамыту, Жалпы еңбек қоғамын қалыптастыру, өңірлерді дамыту, қоғамдық бақылау және азаматтық бастамалар.

Естеріңізге сала кетейік, доктрина Партия көшбасшысы Н.Назарбаевтың тапсырмасымен дайындалған. Құжатты дайындау барысында шет елдік ұқсас партиялардың алдыңғы қатарлы құжаттары үлгісі қолданылды. Бүгінге дейін аталмыш құжат жұмыс тобының үш отырысында талқыланды.