Прагада халықаралық бағытта жолаушылар мен жүктерді тасымалдауды ұйымдастыруды жетілдіру мәселесі талқыланды
25 Сәуір, 2015 12:32
Прагада Темір жолдар достығы ұйымының (ТЖДҰ)Теміржолдың бас директорлары (жауапты өкілдердің) конференциясының XXX отырысы өтті, деп хабарлады «Қазақстан темір жолы»ҰК» АҚ.
Конференцияға Балтық жағалауы, Болгария, Вьетнам, Қытай, Моңғолия, Польша, Румыния, Словакия республикаларының теміржол әкімшіліктерінің өкілдері қатысты.
«Қазақстан темір жолы»ҰК» АҚ делегациясын вице-президент Бауыржан Орынбасаров бастап барды.
Келелі кеңесте халықаралық бағытта жолаушылар мен жүкті тасымалдауды ұйымдастыруды жетілдіру мәселесі талқыланды.
Пленарлы отырыстың қорытындысы бойынша ТЖДҰ Теміржолдың бас директорлары (жауапты өкілдердің) конференциясы XXX отырысының Хаттамасына қол қойылды.
Айта кетерлік жайт, ТЖДҰ Теміржолдың бас директорлары (жауапты өкілдердің) конференциясының кезекті XXXI отырысы 2016 жылы сәуір айында Қырғызстан Республикасында өтеді.
