Елбасы Қазақстан-Өзбекстан мемлекеттік шекарасы арқылы өткізу пункттері туралы келісім хаттамасын ратификациялады
24 Сәуір, 2015 17:01
Мемлекет басшысы «2006 жылғы 4 қыркүйектегі Қазақстан Республикасының Үкіметі мен Өзбекстан Республикасының Үкіметі арасындағы Қазақстан-Өзбекстан мемлекеттік шекарасы арқылы өткізу пункттері туралы келісімге хаттамаға өзгерістер мен толықтырулар енгізу туралы хаттаманы ратификациялау туралы» Қазақстан Республикасының Заңына қол қойды, деп хабарлады Ақорданың баспасөз қызметі.
Бұдан басқа, Мемлекет басшысы ойын бизнесі саласын мемлекеттік реттеуді жақсартуға және осы саладағы заңбұзушылыққа жауапкершілікті күшейтуге бағытталған «Қазақстан Республикасының кейбір заңнамалық актілеріне ойын бизнесі мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
