ҚР Жоғарғы Сот төрағасы АҚШ дипломаттарымен кездесті
«ҚР Жоғарғы Сот төрағасы Бектас Бекназаров АҚШ-тың уақытша сенімді өкілі Майкл Клечески және Астанадағы АҚШ елшілігіндегі саясат және экономика бойынша кеңесшінің орынбасары Брайан Дагганмен кездесті. Жоғарғы Сот органының басшысы шет елдік қонақтарға Қазақстандағы сот құрылысы жүйесі, судья қызметіне үміткерлерді іріктеу тәртібі, медиация саласындағы ұлттық заң шығару жайлы айтты. Сонымен қатар, Б.Бекназаров АҚШ сапары мен ондағы әріптестерімен кездескендегі алған әсерімен бөлісті», - делінген хабарламада.
Дипломаттарды шет елдік компанияларға қатысты сот пікірталастарын шешу мәселесі қызықтырды. Б. Бекназаров сот пікірталастары туындаған кездері олардың арасында келісімнің түзілуіне байланысты мемлекеттік те, төрелік те сотқа жүгіне алатындарын айтты.
«Алайда, ол жерде мемлекеттің мүддесі бар болса, ұлттық қауіпсіздік, салықтық және экологиялық заң бұзушылықтар орын алса, ондай жағдайды тек мемлекеттік сот қана қарайды», - деді Б.Бекназаров.
Өз кезегінде АҚШ дипломаттары халықаралық әріптестіктің нығая түсетіндігіне сенімдерін білдірді.
