Ұлттық ғарыштық орталығының жобасы Қазақстандағы үздік архитектуралық шығарма атағына ие болды
10 Қазан, 2013 15:10
Әлемдік архитектура күніне орай «ВЛ» жобалық фирмасы ҚР Архитекторлар кеңесінің алтын дипломын иеленді. Республикалық конкурстың қорытындысы бойынша 2010-1013 жылдың үздік архитектуралық шығармасын Астанадағы Ұлттық ғарыштық орталығының жобасы ұтып алды, деп Ұлттық ғарыштық орталығының баспасөз қызметі хабарлады.
Аталмыш наградамен «ВЛ» ЖШС сәулетішісі Владимир Лаптевті «Қазақстан Ғарыш Сапары» АҚ-ның атынан компания президентінің міндетін атқарушы Марат Нұрғужин құттықтады.
«Сіз басқарып отырған шығармашылық ұжым кезекті атаққа ие болып отыр. Біз сіздермен ынтымақтастық қарым-қатынаста екенімізге өте ризамыз», - деді М. Нұрғужин.
« «ВЛ» ЖШС жобалаушылары ғарыштық бағыттың жанды қырларын көрсетуде. Заманауи және жоғары техникалық ғарыштық орталығының құрылысы 2010 жылы басталған болатын. Ағымдағы жылдың соңында біз ҰКО-ның бірінші қондырғыларын енгізуді жоспарлап отырмыз», - деді М. Нұрғужин.
