Алматы облысында 1 қыркүйек күні 300 орындық мектеп ашылады
23 Сәуір, 2015 19:51
Талдықорған қаласындағы Еркін ауылында мектеп жоқ болатын. Бүгінгі күні ауылда тұрғызылып жатқан мектептің құрылыс жұмыстары аяқталуға жақын, деп хабарлады облыс әкімдігі.
Бес қабатты жаңа мектеп 300 оқушыға арналған және шағын орталығы болады деп жоспарланған. Жаңа білім ордасы биылғы жылдың 1 қыркүйегінде пайдалануға берілмекші.
Қазіргі кезде ғимараттың ішкі әрлеу мен жылу жүйесін орнату жұмыстары жүргізілуде. «АСК Ауыл құрылысы» ЖШС мердігер компания ретінде жұмыс істеуде. Нысан биылғы жылдың тамыз айында іске қосылады деп белгіленген.
