Алматыда обыр ауруына қарсы Еуразиялық форум өтуде
10 Қазан, 2013 12:08
Ағымдағы жылдың 10-11 қазанында Тұңғыш Президент Қорының базасында ракқа қарсы Еуразиялық форум «Онкологиядағы предикция, превенция және паллиативті көмек» тақырыбына арналды, деп Қордың баспасөз қызметі хабарлады.
«Аталмыш шара отбасылық дәрігерлер мен әлеуметтік қызметкерлер, психологтарға арналған. Оған обырға қарсы мамандар мен пациент қорғау ұйымдардың өкілдері де қатысты», - деп хабарламада нақытланған.
Шара онкологиялық аурудың алдын алу және алғашқы көмек көрсетуді меңгеруге бағытталған.
Форумға АҚШ, Еуропа, Азия елдерінің жетекші мамандары қатысады. Қатысушылардың ауқымын ұлғайту мақсатында Форумды www.oncology.kz. сайтынан көрсетіледі.
Айта кетейік, обырға қарсы Еуразиялық форум аясында 11 қазан күні Қазақстанда паллиативті көмек көрсету қауымдастығының конференциясы өтеді.
