ҰЭМ: ЕАЭО елдеріне шығатын қазақстандық еттің экспорты 6 есе өсті

22 Сәуір, 2015 13:57

2012 мен 2014 жылдар аралығында ЕАЭО мүше елдерге қазақстандық еттің экспорты 6 есе шамасында өсті, деп хабарлады ҚР ұлттық экономика вице-министрі Тимур Жақсылықов.

«Қаржының басым бөлігі Қазақстанда ет әлеуетін арттыруға бағытталуда. Сонымен, 2012 мен 2014 жылдар аралығында ЕАЭО мүше елдерге қазақстандық еттің экспорты 6 есе шамасында өсті», - деп мәлімдеді Т. Жақсылықов ОКҚ-да.

Оның айуынша, Ресейге ІҚР экспорты 2014 жылы 2013 жылмен салыстырғанда 290 тоннадан 2 342 тоннаға дейін артты. «2013 жылы 1,4 млн доллардың ет өнімі экспортталса, 2014 жылы 9 млн доллардың өнімі экпортталды, өсім айтарлықтай көп. Үстіміздегі жылы да өсім едәуір болады деген ойдамыз», - деді вице-министр.

Осы ретте, Т. Жақсылықов атап өткендей, шошқа етінің экспорты 60 тоннадан 1 024 тоннаға дейін артқан, яғни 124 мың доллардан 1,7 млн долларға дейін - экспорт 15 есе шамасында артқан.

«Құс еті бойынша экспорт бір жылда 2 620 тоннадан 5 295 тоннаға дейін артты, демек 2 есе 13,4 млн долларға дейін артты», - деді ол.

Жалпы, ұлттық экономика вице-министрі қорытындылағандай, өзгеде ет өнімдерінің экспорты 10 есе көбейді.

Индира Кауметова