2016 жылдан бастап ЕАЭО аясында дәрілік препараттардың ортақ нарығы жұмыс істей бастайды

22 Сәуір, 2015 10:41

2016 жылдан бастап Еуразиялық экономикалық одақ аясында дәрілік препараттардың ортақ нарығы жұмыс істей бастайды. Бұл туралы бүгін Орталық коммуникациялар қызметінде өтіп жатқан брифинг барысында ҚР Ұлттық экономика вице-министрі Тимур Жақсылыов мәлім етті.

«2016 жылға қарсы халықаралық GMP стандарты негізінде ортақ дәрілік нарық ашылады. Бұл ешбір кедергісіз жоғары сапалы дәрілердің қолданылуына мүмкіндік береді», - деді Т.Жақсылықов.

Оның айтуынша, қазір Қазақстанда 5 өндірушінің 9 өндірістік учаскесі жұмыс істейді. Олар GMP стандартына сәйкес.

«2016 жылдан бастап ірі өндірушілер есеп бойынша фармацевтикалық өнімдерді ЕЭАО елдеріне экспорттай алады. Жоспар бойынша экспорт 360 млн долларды құрауы мүмкін», - деді ол.

Айта кетейік, ЕАЭО туралы келісім өз күшіне 2015 жылдың 1-ші қаңтарында енген болатын. ЕАЭО құрамына Ресей, Қазақстан, Беларусь, Армения елдері жатады.

ЕАЭО жан-жақты жаңғырту, ұлттық экономикада бәсекелестікті арттыру мен тұрақты дамуды құру, адамдардың өмір сүру әл-ауқатын жақсарту мақсатында ашылды.

Индира Қауметова

Барлық жаңалықтар