• Басты
  • Қазақстанда мекемелерді терможаңғырту мәселесі белсенді зерттеліп келеді
21 Сәуір, 2015 15:04

Қазақстанда мекемелерді терможаңғырту мәселесі белсенді зерттеліп келеді

Қазақстанда кезең-кезеңімен нысанды терможаңғырту енгізілетін болады, бүгінгі таңда зерттеулер жүргізілуде, деді ҚазБСҚА-ның қауымдастырылған профессоры Серік Нұршанов Астанадағы «ЭКСПО-2017 - бүгінгі құрылыс үшін бағыт-бағдар халықаралық конференцияға арналаған баспасөз маслихатында.
Қазақстанда мекемелерді  терможаңғырту мәселесі белсенді зерттеліп келеді

«Терможаңғырту бағдарламасы үйлерді қоршап тұрған құрылымдарды жылытуға арналған. Ол алдағы жақын онжылдыққа есептелген, жұмыс өте көп, оның үстіне нысандарды жылыту оңайға соқпасы анық, алайда оның барлығы жұмыстың жүруіне байланысты болмақ», - деді С. Нұршанов.

Профессор атап өткендей, ҚазБСҚА университетінде сынақтар жасалды және жұмсалып жатқан жылу энергиясыда есептелінген.

«Біз жақында заманауи тепловизор сатып алдық, Студенттермен Алматының көшелеріне шығып панельді  үйлердің  жылуын өлшегенде таң қалдық. 10 - 15 градус температура кезінде біздің қабырғаларымыздың жылуы 5-8 градусты көрсетті. Демек, біз жай ауаны ғана жылытамыз, сондықтан халық үйінде отырып жаурайды», - деді профессор.

С.Нұршановтың айтуынша, Қазақстанда терможаңғырту процесі бүгінде өте қиын, алайда оны дәл қазір жүзеге асыра бастау керек.

Естеріңізге сала кетейік, 22 сәуір күні Астанада халықаралық «ЭКСПО-2017»  бүгінгі  құрылыс үшін бағыт-бағдар» конференциясы өтеді. Бұл  конференция Қазақ архитектуралық-құрылыс бас академиясымен бірге дайындалды. Конференцияның басты мақсаты  заманауи технологияларды паш ету, жаңа материалды адам өміріне қатыстырып іргетас қалау болып табылады

Индира Кауметова

Барлық жаңалықтар