• Басты
  • «Болашақ» үміткерлерін тіл бойынша даярлаудың жаңа үлгісі заң жүзінде бекітілді

«Болашақ» үміткерлерін тіл бойынша даярлаудың жаңа үлгісі заң жүзінде бекітілді

21 Сәуір, 2015 12:01
«Болашақ» үміткерлерін тіл бойынша даярлаудың жаңа үлгісі заң жүзінде бекітілді, деп хабарлады «Халықаралық бағдарламалар орталығы»АҚ президенті Ғани Нығметов ҚР Президенті жанындағы ОКҚ-да өткне баспасөз конференциясында.

«Ағымдағы жылдың қыркүйегінен бастап қазан айында квоталық санаттағыларды тіл бойынша даярлау жаңа 6+6 үлгісі бойынша жүргізіле бастайды. Алғашқы алты айды әр степендиант  Қазақстанда Астана мен Алматыда өткізеді. Алты ай өткен соң тілдік даярлау шетелде жалғастырылады», - деді Ғ.Нығметов.

Осылайша тілдік даярлау жұмыстары квоталық санаттағыларға 18 айдан 12 айға дейін қысқарады. Өз бетімен түскендер тілдік даярлауды қажет етпейді.

«Бұл санаттағы оқуға түскендерге қатысты ешқандай өзгерістер жоқ. Сонымен қатар, ағымдағы жылы тәжірибеден өткізу жұмыстары жалғасады, ол инженерлерге, медицина және ғылыми-педагогика салаларының  қызметкерлеріне арналған. Тіл бойынша талаптар ағымдағы жылы өзгертілмеді», - деп жалғастырды ол.

Бұдан басқа, оның айтуынша, «Болашақ» халықаралық стипендиясын әр санат бойынша алғашқы беру нормасы алынып тасталды.

«Яғни, ертеректе «Болашақ» бағдарламасы аясында магистр немесе PhD доктор дәрежесін алмағандар бағдарлама аясында тең құқылы дәрежені ала алмайтын. Мұндай норма бұдан былай алынып тасталды. Болашақ бағдарламасы аясында алынбаған магистр және PhD дәрежесі бар үміткерлер Болашаққа тапсыра алады», - деп толықтырды ол.

Сондай-ақ, Ғ.Нығметов хабарлағандай, доктарантураға тапсырып жатқан үміткерлердің сынақтан өту балы 5-тен 4-ке дейін төмендетілді.

«Бұл өзгерістер доктарантураға түскен  көптеген үміткерлерге бізге келуге септігін тигізеді, осылайша докторанттар саны артады», - деп түйді «Халықаралық бағдарламалар орталығы»АҚ президенті Ғани Нығметов.

Естеріңізге сала кетейік, 13 сәуірде «Болашақ» халықаралық стипендиясын тағайындау бойынша құжаттарды қабылдау басталды. 2015 жылдағы байқаудың іріктеуі 13 сәуірден 1 қазан аралығында өтеді.

Камила Амирова

Барлық жаңалықтар