Қарағанды облысында «БЖК-2020» бағдарламасын жүзеге асыруға 2,9 млрд теңге бөлінді
Бағдарламаның бірінші бағытын жүзеге асыруға 31 инфрақұрылымдық жобаны жүзеге асыру, 23 білім беру мен мәдениет нысанын жөндеуден өткізу, 7 денсаулық сақтау және 1 тұрғын үй коммуналды шаруашылық жобасын жүзеге асыру жоспарлануда. Бұдан басқа, 16 ауылдық дәрігерлік амбулаторияны салу көзделуде.
Сонымен қатар, әкімдіктің ақпаратына сәйкес, бірінші бағыттың жобалары бойынша бағдарламаның 691 қатысушысы тұрақты жұмысқа орналасады. Ал, екінші бағыт аясында жалпы сомасы 671,3 млн теңгені 224 қатысушы несиеге алады.
Үшінші бағытты жүзеге асыру барысында 200 адам жаңа мамандық бойынша оқытылып, біліктілігін арттырады. Кәсіпті оқу орындарының 435 түлегі жастар тәжірибесі бойынша жұмысқа орналастырылады. Ал, халықтың мақсатты тобы ішінен 518 адам әлеуметік жұмыс орындарымен қамтылады.
