Қарағанды облысында тұрғындардың 122 бірлік мүлкі заңдастырылды
21 Сәуір, 2015 18:38
Қарағанды облысының әкімдігінде өңір тұрғындарының мүлкін жария ету мәселесі қаралды, деп хабарлады облыс әкімдігі.
Акция басынан бері осы күнге дейін азаматтардан 515 өтініш келіп түсті. Оның 122-сі бойынша заңдастыру шешімі қабылданды, 248 өтініш қайта қайтарылды, 62 рұқсат берілмеді, 83 қаралуда.
Заңдастырылған мүліктің жалпы құны 1 млрд 486 млн 559 мың теңгеге тең.
Түсіндіру жұмыстарына келетін болсақ, акция барысында БАҚ құралдарында 458 материал жарық көрді. Сондай-ақ, 37 баннер орнатылды.
