Қазақстан аэроұтқыр әскерлерінде тұңғыш рет десант биатлоны өтуде (Фото)
Десант биатлонына қатысу үшін 61993, 36323 және 18404 әскери бөлімдерінен үздік десанттық-шабуылдау взводтары іріктеп алынды. Бес күндік жарыста жеңімпаз атану үшін топтар жалпы жаттығулар кешенін орындауда жоғарғы нәтижелер көрсетуі қажет.
Олар парашютті жинап, артынша секіруді орындау, бағдарлау және әскери топография, түрлі қарулардан ату, жауынгерлік даярлық, жартасқа өрмелеу, түнгі уақытта берілген аумақтарды патрульдеу. Жарыс кезінде әр жауынгер тапсырмаларды орындауда бар күшін, шыдамдылығын, төзімділгін, сондай-ақ барынша кәсіби шеберлігін көрсете отырып барынша жинақы болуға ұмтылады. Жеңімпаздарды алда бағалы сыйлықтар күтіп тұр.
Ең үздік команда Қазақстан Аэроұтқыр әскерлерінің жауынгерлік әзірлігі мен даярлығы үздік взводы деген атаққа ие болып қана қоймай, сонымен бірге осы жазда өтетін Халықаралық десант биатлоны бойынша сайысқа Қазақстан армиясы құрамасының қатарында қатысуға жолдама алып, ел намысын қорғайтын болады.
