Ақмола облысында кәсіпкерлікті қолдау орталығы ашылды (ФОТО)
КҚО кәсіпкерлікті мемлекеттік қолдау шаралары бойынша бизнесмендер мен кәсіпкерлікті енді ғана бастаған азаматтарға тегін қызметтер көрсетіледі.
Аршалы ауданының кәсіпкерлікті қолдау орталығының директоры Р.Оспановтың айтуынша, орталық кәсіпкерлікке бел буған тұрғындар мен кәсіпкерлерге ақпараттық-консультациялық көмектер көрсету мақсатында ашылып отыр.
«Орталық мамандарының басты қызметі онда келішулерді бизнесті ашу, оны жүргізу, бизнеспен айналысу барысында мемлекеттік қолдауларды пайдалану, мемлекеттің қолдаулардың түрлері, ондағы құықтық мәселелер, қаржы институттарымен қалай жұмыс істеу қажет деген сияқты және «Бизнестің жол картасы 2020» бағдарламасының аясында ақыл-кеңестер беріп, түсіндіру жұмыстарын жүргізеді. Бүгінде Аршалы ауданының аймағында 350 кәсіпкерлік қызмет нысаны бар. Енді оларға өздерінің мәселелерін жедел түрде шешетін мүмкіндік пайда болды. Сондай-ақ азаматтар жұмыс барысында пайда болған қиындықтар бойынша немесе қандай да бір күрмеулі мәселелер бойынша кәсіпкерлікті қолдау орталығына қайырыла алатын болады,-деді Р.Оспанов.
Сонымен қатар, кәсіпкерлікті қолдау орталықтарында іскерлікті енді бастап келе жатқан азаматтар үшін бизнес-мектептері ашылып, арнайы бағдарламалар бойынша оқыту жұмыстары жолға қойылады.
Орталықтың штатында бір жетекші мен 3 маман бар. Ондағы қызметтер мемлекеттік және орыс тілдерінде көрсетіледі.
Р.Оспановтың пікірінше, орталық тиімді жұмыс істейтін болса, ол ауданның әлеуметтік-экономикалық дамуына игі ықпалын тигізеді, шағын және орта бизнестің рөлі артып, сандық және сапалық көрсеткіштер жақсарады.
