• Басты
  • ҚДБ қазақстандық автоөнеркәсіпті қолдауға 20 млрд теңге бөледі
21 Сәуір, 2015 09:36

ҚДБ қазақстандық автоөнеркәсіпті қолдауға 20 млрд теңге бөледі

«Нұрлы Жол» Президенттік Бастама аясында «Қазақстанның Даму Банкі» АҚ («Байтерек» Ұлттық басқару холдингі» АҚ еншілес ұйымы, бұдан әрі Банк, ҚДБ) қазақстандық автоқұрастыру кәсіпорындарын қолдауға Ұлттық қор қаражаты есебінен 20 млрд теңге бөледі.
ҚДБ  қазақстандық автоөнеркәсіпті қолдауға 20 млрд теңге бөледі

Банктің баспасөз қызметі хабарлағандай, осы соманың 15 млрд теңгесі Қазақстанда құрастырылған автомобильдерді сатып алуға жеке тұлғаларға несие беру үшін алты коммерциялық банкке, 5 млрд теңгеге дейін - арнаулы мақсаттағы автокөлік пен автотехниканы (ауыл шаруашылық техникасын қоспағанда) лизингке сатып алатын заңды тұлғалар мен жеке кәсіпкерлерді қаржыландыруға «ҚДБ-Лизинг» компаниясына жолданады.

«ҚР Үкіметімен бекітілген отандық өндірісінің жеңіл автокөлікті сатып алуға жеке тұлғаларға несие беру шарты, келесі: атаулы сыйақы мөлшерлемесі - жылдық 14 %-дан аспайды, сонымен қатар жылдық тиімді мөлшерлемесі (барлық комиссияларды, сақтандыру мен автоны кепілге рәсімдеуді қамтиды) – 7,5%-дан аспау керек. Несие беру мерзімі – 5 жылдан аспайды, қарыз валютасы – теңге, міндетті бастапқы жарна – сатып алатын автокөлік құнынан 20%-дан аспайды», - делінген хабарламада.

Қарыз алушыларға құрастыруы «СарыаркаАвтоПром» ЖШС, «АгромашХолдинг» АҚ және «АЗИЯ АВТО» АҚ жүргізілетін «Kia», «Chevrolet», «Skoda», Hyundai, «SsangYong», «Peugeot» және т.б. сияқты бренд автоларының 55 моделі ұсынылады. ҚДБ www.kdb.kz сайтында авто моделдерінің толық тізбесімен танысуға болады.Заңды тұлғалар мен жеке кәсіпкерлердің лизингке арнаулы мақсаттағы автокөлік пен автотехниканы сатып алу шарты келесі: лизинг мерзімі – 3 жылдан 5 жылға дейін, атаулы сыйақы мөлшерлемесі – жылдық 4%-дан аспайды, қаржыландыру валютасы – теңге. Лизинг бойынша бастапқы жарна (аванс) – лизинг затының құнынан 30%, негізгі борышты төлеу бойынша жеңілдік кезеңі– 6 айға дейін, қосымша шығыстар (сақтандыру, сервистік және агенттік қызмет көрсету) лизинг алушы есебінен төленеді.

 

Барлық жаңалықтар