Ұлы Жеңістің 70 жылдығына арналған әскери парадқа 230 техника бірлігі қатысады (ФОТОРЕПОРТАЖ)
«Біз қазір жаттығу алаңындамыз. Бүгін кезекті жаттығуды өткізудеміз, оған 230 техника бірлігі жұмылдырылды. Парадты құрайтын техникалық бөлім екіге бөлінеді: тарихи және заманауи», - деді ҚР Қарулы Күштері құрғақ әскер қолбасшылығының орынбасары Асылбек Сатыбалдинов.
Әскери техниканың көшін Т-34 тарихи танкісі бастайды.
Тарихи парадты сондай-ақ, ЗИС-2 пушкаларымен және М-30 гауубицаларымен ЗиЛ-157, «Катюша», «Максим» пулеметі, РБД, ППШ- пистолет-пулемет-Шпагина сүйемелдейді.
Полковниктің айтуынша, механиктер мен жүргізушілердің мойнында үлкен жауапкершілік тұр. Олар бірдей ара-қашықтықты ұстап, бірдей жылдамдықпен қозғалулары керек.
Қораптардың интервалы 15 метр, көліктердікі-20 метр. Сапта 350 жеке құрамның жүргізушісі жұмылдырылған.
Механизацияланған парадтың уақыты 16 минутты алады.
«Бұл жерде тарихи бөлім жұмылдырылған. Біз қарулардың жаңа түрін таныстырудамыз», - деді ол.
Жаттығуға бас-көз болатын ҚР ҚК құрғақ әскер қолбасшысы Генерал-лейтенант Мұрат Майкеев.
Ведомствода хабарланғандай, парадта техникалық құрылым бірыңғай механизмнен тұруы керек. Себебі, жүргізушілердің жоғары біліктілік деңгейі қажет.
Осы мақсатта Астанаға әскери бөлімшелерден үздік мамандар жіберілді.
Айта кетейік, осы жылы Астанада 7 мамыр күні әскери парад өтеді.
Автор Ботагөз Айтжанова
Фото: Азамат Әлиев
