Н.Назарбаев: Елдің орнықты дамуы мемлекеттік саясаттың арқасында қамтамасыз етіліп отыр
20 Сәуір, 2015 17:12
Елдің орнықты дамуы мемлекеттік саясаттың арқасында қамтамасыз етіліп отыр, деп мәлімдеді Қазақстан Президенті Нұрсұлтан Назарбаев Алматы облысына сапарының қорытындысы бойынша БАҚ өкілдері үшін өткізген брифинг барысында, деп хабарлады Ақорданың баспасөз қызметі.
Қазақстан Президенті елдің орнықты дамуы мемлекеттік саясаттың арқасында қамтамасыз етіліп отырғанын атап айтты.
«Еңбек еткісі келетіндер үшін қалада да, ауылда да барлық жағдай жасалған. Республиканың барлық облыс орталықтары түрлене түсті, аудан орталықтары жүйелі дамып келеді. Мемлекет ауыл шаруашылығы саласына қомақты қаражат бөлуде. Бұл салада өндірілетін өнім көлемін ұлғайтуға, сәйкесінше, ауыл тұрғындарының әл-ауқатын арттыруға мүмкіндік береді», – деді Мемлекет басшысы.
Нұрсұлтан Назарбаев «Қазақстан-2050» Стратегиясы мен негізгі мемлекеттік бағдарламаларды жүзеге асырудағы мақсат елімізді әлемнің дамыған 30 мемлекетінің қатарына қосу екенін атап өтті.
