20 Сәуір, 2015 16:57

«Болашақ» бағдарламасы Қазақстан жастары үшін өркендеу тетігі іспеттес – Бишімбаев

«Болашақ» бағдарламасы Қазақстан жастары үшін өркендеу тетігі іспеттес, деді «Бәйтерек» ұлттық басқарушы холдингі» АҚ Басқарма төрағасы, «Болашақ» қауымдастығы кеңесінің төрағасы Қуандық Бишімбаев Астанада "Білімді жастар – мәңгілік елдің болашағы" атты жас мамандар форумында.

«Жастар мемлекеттің қамқорлығын сезінсе, өзінің болашағына сеніммен қарайтын болса, ондай мемлекет өзінің болашағын ойлаймын мемлекет. Міне, Қазақстан тап осындай ел. Біздің мемлекетімізде оқып, білім, алып қандай да бір мамандықты меңгеріп, сол мамандық бойынша өсіп-өркендеу үшін барлық мүмкіндіктер жасалған. Менің өзім оқып, білім алған «Болашақ» бағдарламасы осы сөзімнің жарқын дәлелі бола алады»,-деді Бишімбаев.

Холдинг басшысының айтуынша, «Болашақ» бағдарламасымен білім алған жүздеген жастар ұлттық компаниялар мен мемлекеттік органдарда жұмыс істеуде. «Бүгінде көптеген «Болашақ» бағдарламасының түлектері мемлекеттік қызметтегі лауазымды қызметтерді атқарып жүр, көптеген түлектер кәсіпкерлікпен де айналысуда. «Болашақ» бағдарламасы көптеген жастардың өсіп-өркендеуінің тетігі іспеттес болып отыр»,-деді Басқарма төрағасы.

Бұл ретте ол «Болашақ» бағдарламасының түлектері 11 мың адамды құрайтындығын оның 8 мыңы оқып, біліп алып, елімізде қызмет етіп жүргендігін, ал 2 мыңы шет мемлекетте оқып жатқандығын айтып өтті.

«Мемлекет басшысы өзінің Жолдауында «Қазақстан -2050» стратегиясы» идеясын көтерді. Ол біздің дамуымыздың, әлемдегі бәсекеге қабелетті 30 елдің қатарына кірудің бағдарламасы. Сондықтан бұл бағдарлама негізінен жастарға бағытталған деуге болады. Сіздер алған білімдеріңізді пайдалана отырып, осы мақсатты жүзеге асырасыздар»,-деп жалғады ол.

Естеріңізге сала кетейік, бүгін Астанада Білім және ғылым министрлігі мен «Халықаралық бағдарламалар орталығы» акционерлік қоғамының қолдауымен «Білімді жастар – мәңгілік елдің болашағы» атты жас мамандар форумы өтті. Оған 400-ден астам Президенттің «Болашақ» бағдарламасының степендианттары, «Дарын», «Жас тұлпар» мемлекеттік сыйлықтарының лауреаттары, халықаралық олимпиадалардың жеңімпаздары қатысты.

Индира Кауметова

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды