«Сенің даусың – сенің болашағың» атты постерлар байқауына негізінен 18-19 жас аралығындағы жастар қатысты (ФОТО)

Байқаудың ең жас қатысушысы Шұғыла Махамбет он төртте. Ол Астанада тұрады және Қазақ ұлттық өнер университетіне қарасты мектептің 5-ші сыныбында оқиды.  

Байқау жұмыстары Қазақстанның барлық аймақтарындағы ұсақ ауылдар мен ірі қалалардан да келіп түсті. Байқауға материалдар әсіресе Алматы, Ақмола, Батыс Қазақстан облыстарынан көп  келді. Байқауға материалдарды қабылдау 15-сәуір күні аяқталып, 20-сәуір күні байқаудың жеңімпаздары марапатталды.  

Байқау 2El.kz сайтының базасында «Sailau2015.el.kz2. арнайы платформасының аясында ұйымдастырылды.  

Естеріңізге сала кетейік, байқаудың гран-приін, яғни бас жүлдесін алматылық Еркебұлан Қазыкенов жеңіп алды. Ал әділқазылар таңда аталымы бойынша астаналық Айнұр Бокина бірінші орын алды. Екінші орынды павлодарлық Виктория Резунова, үшінші орынды алматылық Сағидулла Ахтанов олжалады.   

«Казка» қазақстандық кәсіпкерлер қауымдастығының аталымы бойынша бірінші орынды астаналық Бекзат Махамбет, екінші орынды оралдық Мейіржан Мұхамбетов, үшінші орын Талдықорған қаласының тұрғыны Рената Евсеева жеңіп алды.