Қарулы құрылымдар қызметкерлерін зейнетақылық қамтамасыз ету мемлекеттік бюджет есебінен жүргізіледі - Жақыпова

20 Сәуір, 2015 16:32

2016 жылдың 1 қаңтарынан бастап қарулы құрылымдар қызметкерлерін зейнетақылық қамтамасыз ету мемлекеттік бюджет есебінен жүргізіледі, деп хабарлады ҚР денсаулық сақтау және әлеуметтік даму министрінің орынбасары Светлана Жақыпова Мәжілісте «ҚР зейнатақылық қамтамасыз ету мәселелері бойынша кейбір заңнамалық актілерге өзгертулер мен толықтырулар енгізу туралы» заң жобасын таныстыру барысында.

«Заң жобасы қарулы құрылымдар қызметкерлерін зейнетақылық қамтамасыз етуді реформалауға бағытталған. Бүгінгі таңда оларды зейнетақылық қамтамасыз ету үш көзден жүргізіледі, нәтижесінде олардың зейнетақысы әртүрлі болып кеткен. Елбасы қарулы құрылымдарды жинақтаушы зейнетақы жүйесінен шығару туралы шешім қабылдады. Олар бюджеттен ғана зейнетақылық қамтамасыз етіледі. Осы ретте олардың борышын өтеу мерзімі 1998 жылдың қаңтарына дейін және 1998 жылдан кейінде есептелінетін болады. Олардың зейнетақысы еңбек өтіліміне және сол кездегі қамтамасыз ету қаржысына қарай есептеледі»,- деді С.Жақыпова.

Сонымен қатар, ведомствоның ақпараты бойынша, 2016 жылдан бастап мемлекеттік бюджет қарулы құрылымдар қызметкерлерін қаржылай қамтамасыз етуге 20% көлемінде төлем төлеу міндеттемесінен босатылады.

Айта кетерлік жайт, қарулы құрылымдар қызметкерлері арасындағы зейнетақылық қамтамасыз ету алшақтығын жою мақсатында 2016 жылы бір реттік қайта есептеу жүргізіледі.

Камила Амирова

Барлық жаңалықтар