• Басты
  • А.Сәрінжіпов: Қазақстан – жастар үшін зор мүмкіндігі бар ел
20 Сәуір, 2015 14:47

А.Сәрінжіпов: Қазақстан – жастар үшін зор мүмкіндігі бар ел

Қазақстан – жастар үшін зор мүмкіндігі бар ел, деді Білім және ғылым министрі Аслан Сәрінжіпов «Білімді жастар - мәңгілік елдін болашағы» атты жас мамандар форумында.
А.Сәрінжіпов: Қазақстан – жастар үшін зор мүмкіндігі бар ел

«Менің пікірімше, Қазақстан – жастарға зор мүмкіндік беретін ел болып саналады. Бүгін оқимын десең, әр өңірде зияткерлік мектептер ашылды, жоғары оқу орнына барамын десең, мемлекет грант бөледі. «Назарбаев университеті» сияқты оқу орындарында оқи аласың. Ғылымға бет бұрамын десең, қазіргі заң бойынша ашық конкурстарға қатысып, ғылыми грант ала аласың. Спортпен шұғылданамын десең де, мәдениет қызметкері боламын десең де, жаңа стадиондар, театрлар ашылып жатыр. Ал, кәсіпкер, бизнесмен боламын десең, қоғам сіздерге бар көмегін береді», - деді А.Сәрінжіпов.

А.Сәрінжіпов атап өткендей, Қазақстан шынымен де мүмкіндіктер елі, жастар алып жатқан білім елдің гүлденуіне бағытталуы керек.

«Мемлекеттің білім саласына салып жатқан инвестициясын жастар он еселеп қайтаруы керек. Біз өзіміздің талантымыз бен еңбекқорлығымызды еліміздің гүлденуіне арнаймыз», - деді БҒМ басшысы.

Айта кетейік, бүгін Астанада БҒМ қолдауымен  «Білімді  жастар - мәңгілік елдің болашағы» атты жас мамандардың форумы болып өтті. Шараға 400 степендиат, «Дарын» мемлекеттік жастар сыйлығының иегерлері мен «Жас тұлпар» халықаралық олимпиадалар жеңімпаздары қатысты.

Индира Кауметова

Барлық жаңалықтар