• Басты
  • Қазақстанда ішкі туризмді дамытудың мемлекеттік бағдарламасы әзірленді

Қазақстанда ішкі туризмді дамытудың мемлекеттік бағдарламасы әзірленді

20 Сәуір, 2015 13:29
Қазақстанда ішкі туризмдің дамытудың мемлекеттік бағдарламасы жасалынады, деп хабарлады Ұлттық кәсіпкерлер палатасының Басқарма төрағасының орынбасары Гүлнәр Құрбанбаева Орталық коммуникацияллар қызметінде өткен баспасөз-мәслихатында.

«Нұрлы жол» бағдарламасының аясында бұл салаға ерекше көңіл бөлінгендіктен ішкі және елге келу туризмін дамыту бойынша арнайы мемлекеттік бағдарлама дайындалады. Бағдарлама тізіміне «Нұрлы жол» бағдарламасы бойынша болашақта салынуы және жөнделуі тиіс көптеген  инфрақұрылымдық нысандар енгізілген»,-деді Г.Құрбанбаева.

Оның сөзінше, өткен жылдың басында ол «Бизнестің жол картасы» болатын. «Біз биылғы жыл шешуші кезең болады деп үміттенеміз. Келесі жылдан бастап, Қатон қарағай, Алматы облысында салынып жатқан нысандар, сондай-ақ Солтүстік және Батыс Қазақстандағы теңдесі жоқ нысандарға бару айтарлықтай жеңілдейтін болады»,-деді Басқарма төрағасының орынбасары.

«Бұдан бөлек  Ақмола, Шығыс Қазқстан облыстарында жергілікті әуежайлар салынады деп жоспарлануда. Сондай-ақ «Батыс Еуропа-Батыс Қытай» көлік дәлізінің аясында темір жол бағыттарын одан әрі созу мәселесі қарастырылуда»,-деді ол.   

Камила Амирова

Барлық жаңалықтар