• Басты
  • Астанада әскери парад қатысушыларына арналған концерт өтті (Фото)
20 Сәуір, 2015 19:04

Астанада әскери парад қатысушыларына арналған концерт өтті (Фото)

Астанада Ұлы Отан соғысындағы Жеңістің 70 жылдық мерейтойы аясында ҚР ҚМ Орталық ансамблінің ұйымдастыруымен әскери парад қатысушыларына арналған концерт өтті, деп хабарлады Қорғаныс министрлігі.
Астанада әскери парад қатысушыларына арналған концерт өтті (Фото)

Концертке құрметті қонақ ретінде Қарулы Күштердің ардагерлері мен майдангер шақырылды. Полтавадан Прагаға дейінгі ұрыстарда шайқасқан Михаил Калинин мен 1945 жылғы дәл Жеңіс күні жауынгерлік жарақат алған жергілікті ақмола тұрғыны Жүнісбек Кәрімов концертке шақыруды қуанышпен қабылдай отырып, ән – майдандағы сарбаздардың екінші қаруы болғанын атап өтті.

 «Соғыс даласында әртістер қойған концерт жауынгерлік рухты көтеріп, күш пен сенімділікті нығайтты, сондай-ақ олардың отбасы мен туыстарына деген сағынышын жеңілдетті», - деді соғыс жылдарында майданда шайқасып, тылда еңбек еткен Қазақстанда танымал тілшісі, еңбек сіңірген мәдениет қайраткері Моисей Гольдберг.

ҚР ҚК Бас штабы бастығының орынбасары – ҚР ҚК БШ Тәрбие және идеологиялық жұмыстар департаментінің бастығы полковник Мұхамеджан Таласов осынау концерт парадқа қатысушылардың жауынгерлік рухын арттырып, мақтаныш сезімін ояту мақсатында ұйымдастырылғандығын атады.

 Концертте сұрапыл соғыс жылдарындағы сарбаз бейнесі мен соғыс кезінен көріністер шынайы берілгені соншалық көрермен ардагерлеріміз бен әскери қызметшілер көзіне жас алды. Қазақстанның бірінші Қорғаныс министрі Кеңестер Одағының батыры, Халық қаһарманы генерал-майор Сағадат Нұрмағамбетовке арналған әнді көрермен тік тұрып тыңдады.

«Біз Ұлы Отан соғысы тақырыбын қастерлейміз. Біздің ардагерлеріміздің өмірлі жолы, кейінгі жас ұрпақтың, қазақстандық армия қатарындағы әскери қызметшілердің патриоттық сезімінің артқанын қалаймыз. Сол себепті осы концерттік бағдарламаны мұқият дайындадық», - деп атап өтті ҚР Қорғаныс министрлігі Орталық ансамблінің бастығы Еркебұлан Жұмакенов.

 

Барлық жаңалықтар