• Басты
  • Ұлы Отан соғысы Жеңісінің 70 жылдығына орай «Астана Операда» Мариинский театры өнер көрсетеді

Ұлы Отан соғысы Жеңісінің 70 жылдығына орай «Астана Операда» Мариинский театры өнер көрсетеді

20 Сәуір, 2015 20:21
Әлем жұлдыздары – заманымыздың аса көрнекті дирижері Валерий Гергиев, әйгілі пианиношы Денис Мацуев және Мариинский театрының аты аңызға айналған симфониялық оркестрі «Астана Опера» сахнасында өнер көрсетеді, деп хабарлады театрдың баспасөз қызметі.

Ұлы Отан соғысы Жеңісінің 70 жылдығына және орыстың ұлы композиторы Петр Ильяұлы Чайковскийдің туғанына 175 жыл толуына орай өтетін гала концертте Валерий Гергиев басқарған Мириинский театрының Симфониялық оркестрі өнер көрсетеді. Көпке танымал классикалық шығармалардың бірі - П. И. Чайковскийдің оркестрмен фортепианоға арналған № 1 концерті кештің көркіне айналады, фортепиано партиясын Ресейдің халық әртісі Денис Мацуев орындайды. Концерт Төртінші Мәскеулік Пасхальдық фестивальдің шеңберінде өтеді.

Сонымен қатар концерт аясында Классикалық музыканың және Денис Мацуевтің қатысуымен жас пианиношылардың III «Astana Piano Passion» халықаралық фестивалінің салтанатты ашылу рәсімі болады. Тыңдарман назарына бұған дейінгі конкурстың лауреаттары – I сыйлық иегері (үлкендер тобы, 2014) – Александр-Кадмиель Боцактың (Румыния), сондай-ақ I сыйлық иегері (кішілер тобы, 2014) – Санжарәли Көппаевтың (Қазақстан) өнері ұсынылады. Жас пианиношылардың «Astana Piano Passion» халықаралық конкурсы соңғы үш жыл бойы өткізіліп келе жатқанын айта кетейік.

Осы уақыт ішінде ұйымдастыру комитетіне алыс және жақын 45 шет елден 400 жуық өтінім түскен. Жыл өткен сайын аталған конкурсқа қатысқысы келетіндер саны көбейіп келеді.    

 

Барлық жаңалықтар