"Сенің дауысың – сенің болашағың" атты постерлар байқауының жеңімпаздары марапатталды (ФОТО)

Байқау 2El.kz сайтының базасында «Sailau2015.el.kz2. арнайы платформасының аясында ұйымдастырылды. Жобаны жүзеге асыру барысында 736 еңбек келіп түсті. Оған ауылдық аймақтардан бастап, облыс орталығындағылар, республикалық деңгейдегі барлық азаматтар қатысты. Постерлар байқауына материал жолдау жағынан Алматы, Ақмола, Батыс Қазақстан облыстарының тұрғындары белсенділік танытып, олардың еңбектері байқауға жіберілген материалдардың тең жартысына жуығын құрады»,-деді «Қазконтент» акционерлік қоғамының медиа-жобалар бойынша басқарушы директоры Диас Есдәулетов Алматыда Орталық коммуникациялар қызметінде өткен баспасөз-мәслихатында.  

Авторлардың басым көпшілігі 18-19 жас аралығындағы жастар. Байқауға материалдар қабылдау 15-сәуір күні аяқталып, одан соң әділқазылар алқасының мүшелері ең үздіктерді таңдады.

Осылайша, байқаудың гран-приін, яғни бас жүлдесін (халық дауыс береді) алматылық Еркебұлан Қазыкенов жеңіп алды. Ал әділқазылар таңдауы аталымы бойынша астаналық Айнұр Бокина бірінші орын алды. Екінші орынды павлодарлық Виктория Резунова, үшінші орынды Алматылық Сағидулла Ахтанов олжалады.   

«Казка» қазақстандық кәсіпкерлер қауымдастығының аталымы бойынша бірінші орын астаналық Бекзат Махамбетке бұйырды, екінші орынды оралдық Мейіржан Мұхамбетов, үшінші орынды Талдықорған қаласының тұрғыны Рената Евсеева жеңіп алды.

Камила Амирова