Қазақстанда тәуелсіздік жылдарында 2,5 мың километр темір жол салынды

20 Сәуір, 2015 12:03

Бүгін Қазақстан Республикасы Президенті жанындағы Қазақстандық стратегиялық зерттеулер институты «Еуразияның көлік дәлізі: ынтымақтастықтың жаңа бағыттары» атты халықаралық конференция өткізуде.

Қазақстандық стратегиялық зерттеулер институтының директоры Ерлан Қариннің айтуынша, Қазақстан үшін көлік инфрақұрылымын дамыту мен тасымал дәліздерін кеңейту қашанда стратегиялық мәселе болатын.

«Қазақстан өзінің географиялық орналасу жағынан Еуропа мне Азия арасындағы шешуші көлік байланысы болып табылады. Осы уақытта бірқатар ауқымды жобалар жүзеге асты. Соңғы 20 жылдың көлемінде елімізді 2,5 мың километр темір жол салынып, олардың басым бөлігі соңғы 5-6 жылдың көлемінде жүзеге асырылды. Көлік дәліздеріне қатысты жаңа серпіліс Президенттің «Нұрлы жол» жаңа экономикалық бағдарламасында айқын көрініс тапқан»,-деді институт директоры.

Айта кетейік, ғылыми шараға Қытай, Ресей, Әзірбайжан, Иран, Түркия, Қырғызстан мемлекеттері мен Еуропалық Одақтың жетекші сарапшылары және еліміздің мемлекеттік ұйымдарының, халықаралық ұйымдар мен Қазақстанда тіркелген дипломатиялық миссиялардың өкілдері қатысуда.

Индира Кауметова

Барлық жаңалықтар