ҚР ІІМ қызметкерлері ҰОС ардагерлерін құттықтады

21 Сәуір, 2015 09:21

Жеңістің 70-жылдығы қарсаңында ҚР ІІМ қызметкерлері 90 жасқа толғалы отырған Жетіқара ауылындағы Ұлы отан соғысының ардагері және бұрынғы әріптесі Михаил Иванович Головизинмен кездесті, деп хабарлады Қостанай облысы қылмыстық-атқару жүйесі бойынша департаменті.

«Михаил Ивановичтың демалысқа шыққанына көп болғанына қарамастан ол өзінің жинақтаған тәжірибесімен әліде бөлісіп келеді, тәртіп пен заңды қалай қорғау керек екенін үйретіп келеді», - деп атап өтті УК-161/3 мекемесінің қызметкері Анна Изикеева.

Мекеменің жеке құрамы соғыс ардагерін жұбайы Федосья Павловнамен отбасылық өмірлерінің 65 жылдығымен құттықтау барысында Михаил Иванович 1944 жылы шілде айында қалай жарақаттанғаны туралы айтып берді. Мықты артиллериялық оқ жаудыру барысында дұшпан байланысты үзіп жібереді. Ол жорғалап жүріп сымның үзіліп кеткен жерін тауып жөндейді, дәл сол кезде неміс мергенінің оғы нысанаға дөп тиеді. Ол кезде ол небәрі 19 жастағы бала еді, деп еске алады ардагер.

Михаил Иванович әскери жолын 1943 жылы қаңтар айында бастап, байланыс ротасының старшинасы болып тәмәмдайды. Ұлы отан соғысы 2 дәрежелі орденімен, «Ерлігі үшін», «Берлинді алғаны үшін», «Германияны жеңгені үшін» медальдарымен мапаратталған. Үш баланы тәрбиелеп, бүгінде немере мен шөберелер сүйіп отыр.

Барлық жаңалықтар