Астаналық студенттер «ЭКСПО – ойлаудан іске асыруға дейін» жобасына қатысты
«Астана ЭКСПО-2017» ұлттық компаниясының ұранымен өткізілген шараның мақсаты - «Болашақтың энергиясы» тақырыбын кеңінен насихаттау. Шараны ұйымдастырушылар студенттерді халықаралық көрмелердің бай материалдарымен таныстырды. Шараға қатысушылар күнделікті өмірде қолданылатын: лампочка, розетка, нейлон, рентген аппараты сияқты өзге де заттардың алғаш рет «ЭКСПО» көрмесінің бөлімдерінде көрсетілетіндігінен хабардар етілді,-делінген хабарламада.
Сонымен қатар, студенттердің назарына көрмеде ұсынылып, кейіннен сол көрме өткен мемлекеттің нышанына айналған халықаралық көрмелердің сәулет нысандары ұсынылды. Аритектуралық пішіндер мен дизайнерлік шешімдерді талқылау барысында колледж студенттері дайындаған ғимараттардың көшірмелері сияқты шығармашылық еңбектің туындылары да көрсетілді.
Шара аяқталған соң колледж студенттері өздерінің мамандықтарын адамзат өміріне ыңғайлы жағдай жасау үшін таңдап алғандықтарын атап өтті. Ал «ЭКСПО-2017» көрмесінің тақырыбы жобалау жұмыстары барысында инновациялық көзқарас пен жоғары технологиялық ресурстарды пайдалануға мүмкіндік береді.
