Павлодарда «Соғыс ұрпақтың есінде» үздік қысқа метражды фильм байқауы өтті
20 Сәуір, 2015 11:23
Павлодар облысның білім беру басқармасы мен ақпараттық технологиялар орталығы Ұлы Отан соғысы Жеңісінің 70 жылдығына арналған оқушылар арасындағы «Соғыс ұрпақтың есінде» үздік қысқа метражды фильм облыстық конкурсын өткізді.
Білім және ғылым министрлігі хабарлағандай, конкурстың мақсаты – соғыс ауытрпалық кезінің тарихы туралы білімді насихаттау мен дәріптеу жөнінде оқушылардың шығармашылық белсенділіктерін дамыту, оқушыларда азаматтық-патриоттық пен рухани-адамгершілік қасиеттерін қалыптастыру, жерлестерінің өшпес ерліктерін құрметтеуге тәрбиелеу, оқушылар арасында Ұлы Отан соғысы туралы шығармаларды насихаттау.
Конкурсқа Павлодар, Ақсу, Екібастұз қалаларының және Баянауыл, Железинка, Ертіс, Май, Успенка аудандарының білім беру ұйымдары қатысты. Барлығы 41 өтінім қабылданды.
