• Басты
  • ОҚО-ның ТЖД қызметкерлері Ұлы Отан соғысы жылдары туралы көрме ұйымдастырды
20 Сәуір, 2015 10:34

ОҚО-ның ТЖД қызметкерлері Ұлы Отан соғысы жылдары туралы көрме ұйымдастырды

Оңтүстік Қазақстан облысының Төтенше жағдайлар департаментінде Ұлы Отан соғысындағы Жеңістің 70 жылдығына арналған жоспарға сәйкес 2015 жылдың 15 сәуірінде көрме ұйымдастырылды, деп хабарлады ҚР ІІМ ТЖК.
ОҚО-ның  ТЖД қызметкерлері  Ұлы Отан соғысы жылдары туралы көрме ұйымдастырды

Көрменің жоғары дәрежеде өтуіне Департаменттің барлық басқармалары мен бөлімдерінің қызметкерлері өзіндік үлесін қосып, белсенді түрде ат салысты. Олар өздеріне мұра болып қалған ардагер ата-бабаларының ордендер мен медальдарын, кітаптарын, суреттерін және басқа да заттарын алып келген. Департаменттің жеке құрамы көрмедегі жинақталған жәдігерлерді тамашалап, үлкен әсер алды.

Сонымен қатар, Департамент қызметкерлерінің Шымкент қаласындағы Көркемсурет галереясында 6 мамырда өтетін Ұлы Жеңістің 70 жылдығына арналған көрмеге экскурсиясы жоспарланған.

Барлық жаңалықтар