Мәскеуде «Қазақстандық жол» стратегиясы – жетістіктің бас факторы» конференциясы өтті
Шараның ұйымдастырушылары – М.В. Ломоносов атындағы ММУ, РҒА Экономика институты, РФ СІМ Дипломатиялық академиясы, Ресей жаратылыс ғылымдар академиясы, Ресей тауар өндірушілер одағы болды.
Кездесу қатысушылары Қазақстанның әлеуметтік-экономикалық және саяси дамуының негізгі аспектілерін және еуразиялық біріктіру мәселенамасымен қазақстан-ресейлік қарым-қатынастарды талқылады.
Конференция басында ММУ ректоры Виктор Садовничий әлемде «Қазақстан жолы» атына ие болған табысты даму концепциясының авторы және еуразияшылық идеясын іс жүзінде орындауға үлкен үлес қосқан Президент Нұрсұлтан Назарбаевтың атымен Қазақстандағы үдемелі өзгерістер тікелей байланысқанын айтып өтті.
«Нұрсұлтан Назарбаев бұрынғы кеңес одақ елдерінің еуразияшылық идеясын 1994 жылы шаңырағымыз ММУ-да жария еткенін мақтан тұтамыз. Бүгін, біз сол идеялардың қажеттілігіне және іс жүзінде құпталып және дамып жатқанына куәгер болудамыз», – деп В. Садовничий мәлімдеді.
Нұрсұлтан Назарбаев тарихи лекцияларын екі мәрте оқыған беделді алаңда бүгінгі конференцияның өтуі – үлкен ырым. Бұл көрнекі дерекке Қазақстан Республикасының Ресей Федерациясындағы Елшісі Марат Тәжин өзінің құттықтау сөзінде назар аударды. Ол шара қатысушылардың жоғары деңгейін ескертіп, конференцияны өткізу бастамасы үшін ММУ басшылығы және өзге ұйымдастырушыларға алғыс айтты.
Мәскеу мемлекеттік халықаралық қатынастар институтының ММХҚИ(У) ректоры Анатолий Торкунов еуразиялық тақырыпты жалғастырды. Ол, сонау 1993 жылы Алматы қаласында, еуразияшылықтың мәселенамасына таныстырған Нұрсұлтан Назарбаевпен өткен кездесуді еске алды. Қазақстан басшысы әрқашанда дүниежүзілік экономикаға байланысты жаңа идеяларды іздестіріп және тауып отырғанын А. Торкунов айрықша басып өтті.
Қазақстанның экономикалық дамуы мәселесі біраз пікір алмасуды туғызды. Белгілі ресейлік ғалымдар осы бағытта өз пікірлерімен бөлісті.
Конференция барысында еуразия экономикалық интеграция бастамасы жалпы қоғамда және іскерлік орталар арасында кезең кезеңімен күнделікті өмірдің маңызды бөлігіне айналғаны айтылды.
