• Главная
  • Ана мен баланың денсаулығын қорғау, демография мен бала туу мәселелері мемлекетіміздің әлеуметтік саясатының басты бөлігі – ҚР Мемлекеттік хатшысы
18 апреля, 2015 13:02

Ана мен баланың денсаулығын қорғау, демография мен бала туу мәселелері мемлекетіміздің әлеуметтік саясатының басты бөлігі – ҚР Мемлекеттік хатшысы

Алматыда Қазақстандағы алғашқы адам ұрпағын ұрықтандыру «Экомед» клиникасының 20 жылдығына арналған халықаралық ғылыми-практикалық мерейтойлы конференциясы өткізілді.
Ана мен баланың денсаулығын қорғау, демография мен бала туу мәселелері мемлекетіміздің әлеуметтік саясатының басты бөлігі – ҚР Мемлекеттік хатшысы

Конференцияның ашылу салтанатында клиника ұжымына және қатысушыларға ҚР Мемлекеттік Хатшысы, ҚР Президентінің жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Г.Н. Әбдіқалықованың атынан келіп түскен Құттықтау хат оқылды. Онда «Халықтың денсаулығын қорғау, демография мәселелері мемлекетіміздің әлеуметтік саясатының маңызды бөлігі болып табылады. Бұл  мемлекеттік билік органдарының, ғылыми сарапшылардың және іскер топтардың өзара қарым-қатынастарын күшейтуді қажет ететін сала. Осы орайда неке мен отбасы институтын нығайтуда «Экомед» клиникасының  жемісті еңбегін атап өту керек» делінген.

Конференцияның жұмысына әлемге танымал Израиль, Германия, Ресей, Украина және Қазақстанның ғалымдары мен мамандары қатысты.

Конференцияда алдыңғы әлемдік іс-тәжірибені назарға ала отырып,  бедеулікті анықтау және емдеу, аз стимуляция әдісін қолдану арқылы ЭКҰ бағдарламасының қолжетімділігін арттыру сияқты қосымша репродуктивті технологияларды қолдану бойынша өзекті мәселелер талқыланды.

Конференция аясында «Қарапайым отбасы» атты отбасылық фотосуреттер көрмесі өткізілді, көрменің кейіпкерлері -  ата-ана бақытын сезінуге «Экомед» клиникасының мамандары көмектескен отбасылары болды.

Конференция «Экомед»-тің дарынды балалары мен олардың ата-аналары, сондай-ақ Қазақстанның өнер және мәдениет өкілдерінің қатысуымен ұйымдастырылған мерекелік концертпен аяқталды.