Маңғыстау облысында доктан өзін-өзі көтеретін бұрғылау қондырғысы шығарылды (ФОТО)

18 Сәуір, 2015 14:37

Маңғыстау облысының Құрық ауылында орналасқан Каспий верфі Ерсайда доктан өзін-өзі көтеретін бұрғылау қондырғысы «Сәттіні» шығару рәсімі өтті, оның белағашы 2013 жылдың 8 мамырында жасалған болатын. Бұл кеме Қазақстанда алғаш жасалған өзі көтеретін бұрғылау қондырғысы болады, деп хабарлады аймақтың әкімдігі.

«Каспийдің беті біркелкі болып келмейді, Қашаған орналасқан Каспийдің сол жақ беті аса қатты терең емес, онда «Жамбыл» баржасы жұмыс істейді. Ал, «Сәтті» болса үлкен тереңдіктерде жұмыс істеуге мүмкіндік береді. Сонымен қатар, ол Иран секторында бұрғылау үшін қолайлы. Бұл Қазақстанда толығымен жасалған алғашқы баржа. Біз оны қос верфіміз - «Keppel Kazahstan» ЖШС және «ЕРСАЙ Каспиан Контрактор»ЖШС жасап шығардық», - деді Маңғыстау облысы әкімінің орынбасары Рақымбек Әміржанов.

Өзін-өзі көтеретін бұрғылау қондырғысы Каспий теңізінің қазақстандық секторында жұмыс істеуге арналған, оның ені 72, ал биіктігі 64 метр және ол тереңдігі 6 метр скважиналарды бұрғылай алады. Қондырғының жалпы салмағы 10800 тонна және онда жұмысшыларға барлық жағдай жасалған.

«Аталмыш өзін-өзі көтеретін бұрғылау қондырғының құрылысына KMG Drilling & Services тапсырыс берді. Ал, «ЕРСАЙ Каспиан Контрактор» ЖШС мен Caspian Offshore & Marine Construction LLP оны орындап шықты», - деп әкімдіктен толықтырды.

Барлық жаңалықтар