БҚО-да ЖОО-ның түлектеріне жұмысқа орналасуға көмек көрсетіледі
19 Сәуір, 2015 14:31
Орал қаласында М.Өтемісов атындағы Батыс Қазақстан мемлекеттік университеті мен қалалық әкімдік меморандумға қол қойды.
Ағымдағы жылы университетті 929 студент тәмәмдайды. Оқу орнының әкімшілігі Орал қаласы әкімдігімен бірлесіп түлектерді жұмысқа орналастыру бойынша бірқатар шараларды жоспарлады, деп хабарлады аймақтың ішкі саясат басқармасынан.
Айта кетерлік жайт, бүгінде олардың 60% жұмыспен қамтылған. Бітірушілердің басым бөлігі елді мекендерге, еліміздің өзге қалаларына жұмыс істеуге кетсе, бір бөлігі Орал қаласында қалады.
Жалпы, Меморандум шеңберінде тараптар түрлі салаларда ынтымақтастық орнатуды көздеп отыр.
