А.Мәмин: Қазақстан транзиттік тасымалдардан 2015 жылы 33 пайызға дейін табыс түсіруді жоспарлауда

«Қазіргі экономикалық оқиғаларды ескере отырсақ, транзиттік көлемді ұлғайту өте үлкен мәнге ие болып отыр. Өткен жылы біз транзиттік тасымалдаудалардан 25 пайыз түсім түсірген болатын. Бұл ірі көрсеткіштердің бірі. Осы жылы біз ол көрсеткішті 33 пайызға жеткізуді жоспарлап отырмыз. Орта есепті аймақта аталмыш көрсеткіш 50 пайызға жеткізілмек. Айта кетерлігі, бірнеше жыл бұрын бұл көрсеткіш 5 пайызды көрсеткен», - деді А.Мәмин 

Жібек Жолды экономикалық  белдеуі жобасын жүзеге асыру Қазақстанның көлік инфрақұрылымына қосымша инвестиция тартуға мүмкіндік береді.

«Тәуелсіздік жылдарында елімізде 2,5 мыңнан астам шақырым темір жол салынды. Бұл посткеңестік кеңістіктегі барлық елдердің ішіндегі ең жоғары көрсеткіш. Сонымен қатар, қазіргі уақытта Қазақстанда көліктің барлық түрлерін қамтитын көлік активтерін жетілдіру бойынша ауқымды бағдарлама жүзеге асырылып жатыр», - деді ол.

Құзіреттіліктерді арттыруға бағытталған жалпы инвестицияларды  шамамен 40 млрд долларға жеткізу жоспарланған.

«Біз биыл Ляньюньгань портынан Орталық Азияға 100 контейнерлік пойыз қалыптастырдық. Олар ылғи да теңіз көлігі арқылы кететін. 2012 жылдан бастап Қытайдан Еуропаға өтетін контейнер ағынын 15 есеге арттыра алдық, 3 жылда бұл өте жақсы динамика, біз мұнда зор әлеуетті байқадық, енді оны одан әрі арттыруымыз керек», - дейді ол.

Камила Амирова