• Басты
  • Су тасқыны орын алған аудандарда қауіпсіз аймаққа көшірілгендер саны 15 мың адамды құрады
17 Сәуір, 2015 13:39

Су тасқыны орын алған аудандарда қауіпсіз аймаққа көшірілгендер саны 15 мың адамды құрады

Су тасқыны орын алған аудандарда қауіпсіз аймаққа көшірілгендер саны 15 мың адамды құрады, деді Ішкі істер министрлігінің Төтенше жағдайлар комитетінің Төтенше жағдайлардың алдын алу басқармасының бастығы Алексей Советов аймақтардағы су тасқынына байланысты өткен баспасөз-мәслихаты барысында.
Су тасқыны орын алған аудандарда қауіпсіз аймаққа көшірілгендер саны 15 мың адамды құрады

«Соңғы келіп түскен ақпараттар бойынша, аймақтарда барлығы 15 мың 100 адам көшіріліп, олардың 2 мыңы үйлеріне қайтты. 2 мың  207 адам арнайы көшірілгендерге арналған орындарға орналастырылған, 11 мың 044 адам туыстарына жіберілді. 422 адам құтқарылды»,-деді Алексей Советов.

Сонымен қатар, оның айтуынша, су тасқынына қарсы шараларға осы уақытта жеке құрамнан 6 мың 296 адам мен 1 мың 682 техника, 199 су итергіш құралдар мен 97 жүзу құрылғылары жұмылдырылды. .

«Құтқару қызметтерінің бірлескен қимылдарының арқасында 14 мың 440 метр бөгет салынып, 3 мың 211 бөгендер қалпына келтірілді. 188 мың 892 текше метр су тартылып алынды»,-деді А.Советов.

Жедел желі қызмет әлі жалғасуда.

 

Барлық жаңалықтар