Қазақстанның облыстарында су тасқынына байланысты күзету жұмыстары жүргізілуде – ТЖК

17 Сәуір, 2015 13:32

Ақмола, Шығыс Қазақстан, Солтүстік Қазақстан, облыстарында су тасқынына байланысты күзету жұмыстары жүріп жатыр, деді Ішкі істер министрлігінің Төтенше жағдайлар комитетінің Төтенше жағдайлардың алдын алу басқармасының бастығы Алексей Советов аймақтардағы су тасқынына байланысты өткен баспасөз-мәслихаты барысында.

«Қарағанды облысының Оңтүстік, Солтүстік, Юбилейный және Көксу мен Абай аудандарында электр энергиясы қалпына келтірілді. Бұл аймақтағы елді мекендердің тұрғындары үйлеріне қайтты. Сонымен қатар, Қоянды ауылынан көшірілген 60 азамат та үйлеріне қайтарылды. Самарка ауылынан 791 адам көшірілді»,-деді А.Советов.

Оның сөзінше, Ақмола облысында Преображенск гидробұрышында жағалаулардағы бекіністерді нығайту жұмыстары аяқталды, енді Нұра өзені жағынан басталатын көшелердің бойына инертті материалдарды қалау жұмыстары жалғасуда.

«Шығыс Қазақстан облысында Ертіс өзенінің деңгейіне тәулік бойы мониторинг жүргізілуде. Онда алдында көшірілген адамдардың барлығы үйлеріне қайтты. Солтүстік Қазақстан облысында Селекті өзенінің бойын тексеру жұмыстары жалғасуда. Жағдайдың тұрақтануына байланысты Қулыкөл мен Қаратал ауылдарының тұрғындары үйлеріне оралды»,-деді басқарма бастығы.

Барлық жаңалықтар