• Басты
  • Вице-премьер Бақытжан Сағынтаев Қарағанды облысының тұрғындарымен кездесті
17 Сәуір, 2015 12:58

Вице-премьер Бақытжан Сағынтаев Қарағанды облысының тұрғындарымен кездесті

Премьер-Министрдің бірінші орынбасары Бақытжан Сағынтаев пен Ішкі істер министрінің орынбасары Владимир Божко Қарағанды және Ақмола облыстарының аймағы арқылы ұшып өтті, деп хабарлайды Ішкі істер министрлігінің Төтенше жағдайлар комитетінің Төтенше жағдайлардың алдын алу басқармасының бастығы Алексей Советов.
Вице-премьер Бақытжан Сағынтаев Қарағанды облысының тұрғындарымен кездесті

«2015 жылдың 16-сәуірі күні  Премьер-Министрдің орынбасары Бақытжан Сағынтаев, Ішкі істер және Энергетика министрлерінің орынбасарлары, Қарағанды облысының әкімі мен Су ресурстары комитетінің төрағасымен бірге Қарағанды және Ақмола облыстарының үстінен ұшып өтті. Басшылар су басып кеткен аймақтардағы жағдайды біліп, Нұра мен Шерубай өзендеріндегі судың мөлшерін көрді»,-деді А.Советов.

Оның сөзінше, Ғ.Мұстафин атындағы ауылда Б.Сағынтаев аймақтағы су тасқынына байланысты жедел мәжіліс өткізді.

«Б.Сағынтаев Қарағанды облысының әкімі мен облыстық қызметтердің басшыларына су қорларындағы судың деңгейіне мониторинг жүргізу жұмыстарын жалғастыруды, тұрғындарды көшіру  жөнінде және дер кезінде ақпараттар беріп тұруды, жолдар мен жол құрылғыларын қалпына келтіру, елді мекендер мен сайлау учаскелерінің арасында көлік қатынасын қамтамасыз ету бағытында шаралар қолданып, су тасқынынан зардап шеккендерге шығындарын анықтау мен оларды өтеу жөніндегі комиссияның жұмысын ұйымдастыруды тапсырды»,-деді А.Советов.

Оның Қарағанды облысының төтенше жағдайлар қызметіне сілтеме жасай отырып  айтқан сөзінше, су тасқынымен байланысты жағдай 6 ауданда тұрақтанды.

Ведомство өкілдерінің хабарлауынша, аймақтарда ІІМ, Қорғаныс министрлігі және жергілікті атқарушы органдардың көмегімен апаттан құтқару жұмыстары жалғасуда.  

 

Барлық жаңалықтар