26 наурыздан бастап сайлау тақырыбында 15 мың материал жарияланды - Тұрғанқұлов

17 Сәуір, 2015 16:23

26 наурыздан бастап сайлау тақырыбында бұқаралық ақпарат құралдарында 15 мың материал жарияланды, деп хабарлады Орталық сайлау комиссиясының төрағасы Қуандық Тұрғанқұлов ЕҚЫҰ/ДИАҚБ президенттік сайлауды бақылау жөніндегі миссиясының басшысы К.Йонкермен кездесу барысында.

«Біз сайлаудың негізгі кезеңдерін аяқтадық. Екі кезең бітті, үшіншісі соңына таяп қалды ол өте маңызды кезең, насихаттау жұмыстарының кезеңі. 26 наурыздан бастап сайлау тақырыбында 15 мың материал жарияланды»,- деп хабарлады Қ.Тұрғанқұлов.

ОСК басшысының айтуынша, аталмыш мониторинг барлық кандидаттарға БАҚ-қа бірдей мүмкіндік беріліп отырғанын растайды.

«Бұл мемлекет беретін кепілдеме емес және әр кандидатқа 7 млн теңге көлеміндегі қаржыландыру. Кейбірейлердің сыртқы насихаттық жарнамалары басым: билбордтар және т.б. Мұны кандидаттардың сайлау қорының насихаттық жұмысына түрлі көлемде қаржы жинағанымен түсіндіруге болады. Мәселен, президенттікке үміткер Нұрсұлтан Назарбаевтың Сайлау қорына жинақталған қаржысы өзгелермен салыстырғанда едәуір көп, сондықтанда ол көбірек сыртқы жарнамаларға жүгіне алады»,- деп түйді ол.

Барлық жаңалықтар