17 Сәуір, 2015 15:51
Шымкентте ЭКСПО-2017 көрмесі таныстырылды
«Өңірдің тұрақты дамуын қамтамасыз етуі үшін тиімділікті арттыру» ғылыми-тәжірибелік конференция аясында «Өңірдің ЭКСПО-2017 көрмесіне қосқан үлесі» атауымен Шымкентте дөңгелек үстел ұйымдастырылды, деп хабарлады «Астана ЭКСПО-2017» ҰК» АҚ.
«Астана ЭКСПО-2017» ҰК» АҚ өкілдері қатысушыларға ЭКСПО-2017 халықаралық көрмесінің негізгі идеялары туралы айтты. Шаралардың тақырыптық және мәдени бағдарламасымен таныстырды.
Өз кезегінде,жергілікті мемлекеттік органдар, қоғамдық ұйымдар мен бизнес-құрылымдар өздерінің өңірлік бастамаларымен таныстырды.
Дөңгелек үстел жұмысына ҚР ведомстволары мен министрліктер өкілдері, ОҚО әкімдігінің мүшелері, салалық қауымдастық пен ұйымдардың өкілдері, МЕҰ мүшелері қатысты.
